Pensjonstrygda blir lukka

Opp i Stortinget

Pensjonstrygda for fiskarar skal avviklast. Det stadfester regjeringa torsdag og opplyser at forslaget er lagd fram for Stortinget om å lukke ordninga for nye medlemmer og på sikt avvikle pensjonsordninga.

– Dette er ei gamal ordning som gav meining i si tid, men samfunnet har endra seg og fiskarar vil tene på å bli likebehandla med andre sjølvstendig næringsdrivande. Det eksisterer i dag ordningar som gjer at fiskarar kan sikre seg ein god og meir føreseieleg pensjon, der den årlege oppteninga kan tilpassast ønska og behova til den enkelte. Derfor foreslår vi no at pensjonstrygda for fiskarar blir lukka for nye medlemmer og på sikt blir avvikla, seier arbeids- og inkluderingsminister, Tonje Brenna i ei pressemelding.

Tilrådde lukking

For å tilpasse fiskarane sine rettar til pensjonsreforma har departementet lenge varsla ein gjennomgang av pensjonstrygda til fiskarane. Hausten 2022 vart ei partssamansett arbeidsgruppe sett ned for å greie ut moglege løysingar, og hausten 2024 konkluderte gruppa med at pensjonstrygda bør lukkast og avviklast.

I den nevnte arbeidsgruppa var det to representantar få Fiskarlaget; Hanna Bakke-Jensen (Fiskarlaget) og Sturla Roald (Fiskebåt).

Arbeidsgruppa peikar på at pensjonstrygda for fiskarar har ei rekkje svakheiter, mellom anna at innretninga av ordninga fører til at mange fiskarar opplever å betale inn premie i fleire år utan å få pensjon frå ordninga. Arbeidsgruppa konkluderer vidare med at det verken er nødvendig eller ønskjeleg at fiskarane har ei eiga, obligatorisk pensjonsordning.

Status for ordninga

Det er om lag 5 000 aktive fiskarar i ordninga og om lag 1 550 pensjonistar. Departementet foreslår at pensjonstrygda for fiskarar blir lukka for nye medlemmar frå og med 1. januar 2026, slik at ho på sikt blir avvikla.

Departementet foreslår vidare at nedre alder for uttak i ordninga blir tilpassa noverande nedre alder for uttak i folketrygda. Det inneber at den aukar frå 60 år til 62 år for medlemmer som er under 50 år ved tidspunktet for lukking, og at barnetillegget blir avvikla.

Våre kommentarar

-Fiskarpensjonen er ikkje ei god ordning for dagens fiskarar. Den er dyr, og risikoen for at fiskaren står igjen utan pensjonsutbetaling er ganske betydeleg, sidan den blir avkortas mot utbetalingar frå folketrygda. Dette seir Hanna Bakke-Jensen, rådgjevar i Norges Fiskarlag. Ho har hatt saksansvar for pensjonssaka.

Samtidig har det blitt peika på som eit hovudproblem med ordninga, at den i lang tid har vore avhengig av å tære på eit likviditetsfond for å gå i balanse. Staten bør no auke sitt bidrag til å dekke underdekninga som vil oppstå ved lukking.

Bakke-Jensen peikar på at privat pensjonssparing har vore naudsynt uansett.

-Fiskarpensjonen er ikkje ein alderspensjon, den er ein nedtrappingspensjon. Det betyr at fiskarane uavhengig av den bør sørge for å sette av sparing til eigen pensjon. 

Fiskarlaget vil følgje opp saka med politikarane i Arbeids- og sosialkomiteen. 

Oppdatering 11. april:

Vi har fått tilbakemelding fra daglig leder Bjørnar Strøm Larsen i Garantikassen for fiskere om at de får en del spørsmål knyttet til fiskarpensjonen som går på avkortingsreglene.

I så måte presiseres det at fiskarpensjonen er en tilleggspensjon som utbetales uavhengig av alderspensjonen. Imidlertid avkortes den i perioden mellom 60-67 år mot andre offentlige ytelser som uføretrygd og arbeidsavklaringspenger, Men – altså ikke mot andre pensjonsytelser.